NOS LIBROS DE PALESTINA

 

Eles teñen o corazón de pedra

nos seus libros non está a árbore da vida

carecen de vocabulario

 para denominar

e recoñecer as flores.

As bolboretas de cores

saen das películas de ciencia  ficción.

A palabra amor, amigo

é dun mundo descoñecido

polo tanto non hai definición.

pero saben de verbos:

MATAR, ASUSTAR, ABUSAR

ABORRECER, MORRER, APODRECER

FERIR, MENTIR.

Poden conxugalos en tódalas formas e persoas

Eu MATO

Ti ASUSTAS

El ABUSA,

Nós ABORRECEMOS

Vós FERIDES

Eles MORREN E APODRECEN

Foto: Da rede