miércoles, 28 de enero de 2015

Músic@s: Que importa onde nos leve a barca, se navegar pola auga nos gusta!



Observo as vosas mans de profunda delicadeza
e quedo absorta co pracer da éxtase sinfónica
da sublime perfección dos sons  que compoñedes
coa linguaxe  rítmica ao compas dos sentimentos.

Combatedores das morriñas
acompañantes das ledicias
amigos das soidades, das festas e despedidas,
poetas sen necesidade de palabras
das inmortais notas ,debuxadas no papel.

Creadores das mensaxes ocultas
transitadores rítmicos  da denuncia social
mediadores nas guerras
portadores do ADN musical.

Xeometrías sinfónicas polas rúas
bican pupilas dilatadas nas noites de lúa
estrelas de pentagramas de acordes azulados
baixo os neons desangran.

E a música queima, queima roda no asfalto
fai arder os muros que levantamos
e no asilo da humanidade
gardamos os acordes da vida que tivemos e tanto amamos.

Foto: da rede