jueves, 28 de agosto de 2014

A PUTA DOS LIBROS






Quixestes  facerme a puta dos libros
 a corrompida nas novas
a  indesexable buscadora pecaminosa
namentres vos berrei repetidas veces NON!


Agora fornico con teorías
entre a tolemia, o medo e o voso pensamento.
Derramo sobre o altar da rabia
a xustiza  dun país que non entendo
que non me respecta
converténdome en provocadora
roendo o pouco que puido quedar de mín.

Consentido, dixo a xuíz
e deixáronme tirada
como un anaco de carne comestible
que sobra cando hai fartura.

Quen serei eu agora?.




La joven violada en la Feria fue grabada con un teléfono móvil
La juez decidió el martes poner en libertad con cargos de violación y robo con violencia a los tres jóvenes, algo que fue recibido con aplausos y vítores por los familiares y vecinos de los detenidos

32.000 niñas surafricanas menores de siete años fueron violadas en los últimos 18 meses por personas infectadas de Sida

Katja Reim.- La creencia que una relación sexual con una mujer virgen cura el VIH/Sida, ha traído como consecuencia que en Sudáfrica se viole a niñas y bebés. En los últimos 18 meses, la policía registró 32.000 abusos sexuales hacia niños y niñas, 16.000 de ellos, menores de siete años.

Foto: Da rede

Muller de Papel



Se fora unha muller de papel
poderías escribirme
pregarme, gardarme
lerme
e facer un avión de batalla.

Se fora unha muller de papel
poderías facer unha paxariña
e guiarme coa túa voz
polo labirinto da túa cabeciña.

Supoñamos que fora unha muller de papel
dun libro que se abre pola metade
e nel se lera un poema
do que é a casualidade
dos mundos que  coinciden
 cun sutil detalle.

Se pensas que son unha muller de papel
poderás deitarme
non teu lado esquerdo da cama
pero son unha muller de carne e pel.


martes, 12 de agosto de 2014

Xa non quedan profetas, auto destrución I


Evado os mísiles

cargados de amor

por se a profecía non se cumpre

evitando fríos cálculos

cargados de arranques paralizados

por comerche o corazón.

 

E queda todo no consciente

espectros atenuados

perdéndose na mirada ao ceo

azul, azul, maldito azul ceo

azul,azul, bendito azul ceo.




Follas cheas de estados febrís

tecen  o estado putrefacto

da división multicelular

de quen se perde coa luz dos faros.




Xa non quedan profetas

o amor  pode ser enfermizo

se non se quere curar

e digo antonomasia

para non ter que te nomear.






Foto: Da rede

martes, 5 de agosto de 2014

AOS QUE QUERO E ME QUEREN, PARA NON DIFUMINAR A REALIDADE.


Cadro de Chus Lauzara


E sigo co loito rigoroso
tendo a fortuna de sentir
xente que me quere  preto.

E quérolle a vida
a morte non me mata
o amor é fortuna
papeletas de subasta
que case sempre parece que me vai a tocar.

É  o pensamento afónico
que medra como unha prolongación
invisible aos ollos, case constante.

Logo imaxino que son a garda da humanidade
cuxa misión é berrar as inxustizas
defender as voces que non se escoitan
logo, sinto a dor...E fágoa miña.


Non distingo se fago da vida unha metáfora
se adiantada ou atrasada
pero estraña, sempre estraña
e cos anos...
Cada vez máis dúbidas , preguntas
que non acadan unha resposta que me encha.

E ti
cres  que fago arte
e me revelo ao mundo través  das palabras
e non , non podo curar os segredos da alma
ou esculpir o espírito do vento que te aloumiña
cantar , como ti cantas
crear coas cores o todo e a nada.

Pensas que sei sentir
e pouco sei de sentimentos
por que me protexo co carozo
por covardía a sentir amor.

Recóllome do día , non sei escribir ledicias.
É na noite sombría, cando a  PUTA POESÍA
Ven a por mín.




 
Foto: Emilio Romanos