martes, 19 de noviembre de 2013

Unha VS dúas = A mesma




( Figura unha )
Déixame sentir
a auga do xélido regato
da ninfa que escolliches
da musa que non canta.

( Figura dúas)
Déixame escoitar
as voces desafinadas
que escriben que:
A alma sinte, pola pel
a pel … Sinte pola alma.

( Figura unha)
Déixame probar
a amargura da rendición
dunha pobre e sempre escrava.
Déixame ulir o recendo
 infortunio do tempo.

( Figura dúas)
Esposa, esposo …
 Alianzas , esposas ao fin
non deixan de ser cadeas.

( Figura unha)
Muda
coa miña verborrea
tivemos que chegar
ao límite do vértice.


( Figura dúas)
Solpor,vagalume
principio ,final
Bolboretas, promesas.

( Figura unha)
Muda, caláchesme
sen bicarme
so mirándome
calei, escoitándote.

( Figura dúas )
Veu o silencio
no solpor xa ido.
Foto: Da  rede
 Fundidos catro poemas nun, de reflesións dun seran calquera en Fisterra 2010.

jueves, 14 de noviembre de 2013

Marea Negra, once anos despois



Chora a terra bágoas necróticas
  do petroleiro esquecido
    pleamar  vertida
      polos apéndices do rotulador permanente
        de once anos tatuados
parece  que só
     en poucas mentes.

Rigor- Mortis
linguas de alabastro, osos petrificados
o mar regurxita hoxe
silencios doídos.

Cando pregunten os meus fillos
por que morre o noso mar
direille:
O mar non morre
 o mar... MÁTANOLO



Foto: Da rede


lunes, 4 de noviembre de 2013

A metade do meu mundo



Deixaches…  A metade do mundo para min!



Ás veces dubido dar ou recibir

parar ou continuar

incluso empezar, empezar,empezar...

a deixarme levar ou baleirarme cara dentro.



Cando tento  fuxir de min

de condenarme e maltratarme por intres
caio na conta de que

non podo deixar de pertencerme.



Son fiel e procuro ser constante.

sei da chama inextinguible do amor

pero só sangro versos efémeros rachados

tristeiros, ignotos

por que o  medo me paraliza.



Sei que nas miñas mans está

completar a outra metade do mundo.


        (Ciscar os vermes

 tirar as follas rotas, que non  din nada

desfacer a espiña enclaustrada

abrir as cadeas da dor

desfacerme das ataduras do medo)



               
Foto: Rochi Nóvoa